مقارنه لبنات الجامعه

النهارده هنعمل مقارنه
بس مش بين بنات و اولاد كالعاده
لا
دي مقارنه فريده من نوعها

مقارنة بين:
*بنات الجامعه الخاصة (اللي انا مش تباعهم)

*وبنات الجامعه الحكومية (اللي المفروض انا تباعهم)


نبتدي




البنات فى الجماعة الخاااصة - ياعينى عليهم - (مش معناها اني بحسدهم مثلا محدش يفهم غلط)


طبعا البنت من دول لو بصيت فى وشها تشوف نفسك من النضافة ( بتستحمى كل يوم مش زى البعض الاخر فى المناسبات فقط )
طبعا تصحى الصبح تاخد دش دافى وتفتطر فطار خفيف علشان الدايت طبعا ( لا يحتوى على
الفووول- مع ان الفول مفيد وكله بروتين (بروطين))
وتنزل تلاقى عربية اخر موديل مستنية تحت ومتلمعة من امبارح بليل
هووووب ربع ساعة وتلاقيها فى الجامعة (دون عناء الاتوبيسات والمترو ) تنزل طبعا من العربية لابسة البنطلون ماركة كذا اللى جايبة امبارح من سيتى ستارز ب1100 جنية والكوتشى النايك اللى جايبة بردو من سيتى ستارز بس ب1500 جنية ومعاها اللاب توب اللى بابى جايبة ب25000 جنية من امريكا وطبعا سارقة 1000 جنية من بابى بردو قبل ما تنزل وحاطاهم فى الشنطة ..
طبعا هاتلاقى الشلة مستنية فى الكافية ( عالم بتنجح من غير مزاكره بالفلوس يعني هايدخلوا محاضرات لية )
يقعدوا يرغوا فى المواضيع العبيطة بتاعتهم دى .....
دة بابى امبارح اشترى ة من اوروبا وهو جااااى 20000 الف يورو ودفع جمراكها بالفيزا كارد طبعا اصحابها مش هاسكتوا واحدة هاترد وتقول دة بابى امبارح بردو ( اباهتهم مش بيخرجوا غير امبارح او البنات دى ولاد اب واحد ما علينا)
خدنى وعملنا شوبينج ب30000 الف جنية واشترالى كل اللى انا عايزاه
ومبالك بقى لما تشتد المناقشة ممكن بقى كل واحدة تبان على اصلها ( وسيبك من التزييف اللى فوق دة ) وتلاقى كل واحدة فيهم ولا كانها من مركز ولاد ابو اسماعيل ....
(طبعا انا معرفش ابو اسماعيل مين )

(طبعا في ناس في الجامعات الخاصه دخلنها عشان المجموع وكل سنة بيستلفوا حق الرسوم ... ما يغركمش الكلام اللي فوق ده)









نشوف بقى بنات الجامعة الحكومية (اولاد الطبقة الكادحة) :::



البت نجحت ياولاد وجالها تجارة القاهرة البنت طبعا هاتصحى من النوم تغسل وشها ( اول يوم بس) وتضربلها خناقة من ابوها وامها علشان المصروف
تنزل تضرب المترو لغاية ما توصل ( الحمد لله وصلت بعد ستين معاكسة واربيعن حالة نشل واتنين شروع فى قتل )
اول ما توصل هاتلاقى حاجة كدة شبة غطا الحلة وجنبها جرس مزعج ( اية دة الظاهر دى جامعة القاهرة )
تدخل الكلية يا عم تضربلها 2فول و5 طعمية وواحد شاااى وتشوف المحاضرات بتاع اليوم الجميل دة ...
طبعا يشتمل الحوار بتاعهم على الاتى !!!
تصدقى انا قعدت اساعد ماما امبارح وغسلت الاطباق كلها وكنست الشقة وطبخت وكل حاجة تمام ( دة طبعا علشان تضربلها 10 جنية ولاحاجة) والتانية تقولها دة اختى جالها عريس امبارح وقعدت انضف الشقة واعمل شربات ( او شرابات حسب الطعم ) والتالتة طبعا لازم تعمل فيها ست بيت بردو هاتقولهم دة ماما راحت للدكتور امبارح وانا اللى عملت الغدا لاخواتى ( النتيجة طبعا معروفة الشقة ولعت واخوتها فى المستشفى )


منقوووول
مع التعديل والاضافه

شكراااااااااا موضوع جميل او مقارنة جميلة

هاهااههاهاهاهاهاهاهههاهاهاهاههااهاههاهااها مقارنه جامده